من نحن

بدأت القصة من حوالي 10 سنين، لما دخلت الجيم لأول مرة. اتدربت مع مدربين كتير ووصلت لمستوى كويس، لكن كان دايمًا في إحساس إن في حاجة ناقصة… لحد ما حصلت إصابة "قطع جزئي في الكتف" بسبب سوء تقنين الأحمال.

وقتها قررت أدخل المجال الرياضي كمدرب، مش بس عشان أطور نفسي، لكن عشان أساعد غيري يوصل لهدفه بأمان ومن غير إصابات.

لما بدأت أتعلم، اكتشفت إن أغلب الكورسات بتدي مجرد "أساسيات الأساسيات"، والباقي بيعتمد على اجتهادك الشخصي. من هنا بدأ هدفي الحقيقي: مش بس أفيد العملاء، لكن كمان أعلّم المدربين إزاي يطبقوا العلم صح ويشتغلوا بثقة.

اشتغلت في شركات تدريب أونلاين، ووصلت لمناصب مثل: Head Coach و Fitness Manager في أكتر من جيم. التجارب دي خلتني أحتك بالمدربين عن قرب وألاحظ الفجوة بين الجانب النظري والتطبيق العملي.

الرحلة لسه مكملة، ولسه بنتعلم ونتطور، وربنا يجعل عملنا دائمًا نافع وخير للناس. 🤲